相距上一篇有关我葡萄牙之旅嘅文章, 已经系好耐之前嘅事!! 呢排终于多番多少少时间, 决定要好好写完呢个旅程嘅点滴先得, 唔想烂尾呀!!

Tomar呢个城市, 应该对大部分香港人来讲都好陌生, 除非阁下好似我咁钟意 "娟窿娟那"去埋D唔系咁在葡萄牙以外出名嘅旅游城市。

我唔知Tomar有冇中文译名, 不过就算有, 我都唔会记得, 记住Tomar呢个名仲方便简单呢

真系人都颠, 每日虽然有好几班长途巴士会由里斯本开往Tomar, 但由于我想一日游连踩两城市 (早上Tomar, 下午到另一著名城市Fatima)关系, 我要搭早上7am开出嘅巴士!! 冬天嘅里斯本虽然唔系话冻得好交关, 但系加埋成日出现嘅大雨, 真系唔讲得少! 最离奇系里斯本地铁开6:30am, 但我住嘅hostel, 有点唔方便, 照道理系冇可能搭到呢班车。好彩我个当地朋友救我一命 (当中细节唔详讲喇, 就算多谢佢佢都唔知架啦, 哈哈哈), 总之最后赶到搭呢班车, 我嘅旅程因为有一个当地朋友而变得太顺利太美好喇!!

顺便讲句, 我平常唔主张咁赶去旅行, 但葡萄牙小镇一般半日游真系已经足够, 如果玩全日真系多左少少, 加上如果系冬天旅游当地更加如此, 快天黑 (大约5-6pm), 店亦较早关门, 所以不如把握时间一日去多另一小镇参观。